பழியும் கொள்வார்

வாபரையும் வழி பட்டு அய்யப்பனின்
வாசலிலே நிற்கின்றார் கோஷத்தோடு
பாபரையும் ராமரையும் இவ்வாறே தான்
பக்குவமாய்ப் புரிந்து கொண்டால் ரத்தம் இல்லை
காவல் செய்யும் தெயவத்தை உணர்ந்தார் இந்தக்
கண்ணியத்தைக் கடைப் பிடிப்பார் கருணை கொள்வார்
பாவமதைச் செய்வதற்கு பிறந்தார் மட்டும்
பல சொல்லிப் பிரித்தாண்டு பழியும் கொள்வார்

அய்யா என்றார்

பார்ப்பவர்கள் அனைவரையும் கதைகளுக்குள்
பாத்திரங்கள் ஆக்கிடுவார் என்ற எண்ணம்
ஊர்க்காரர் அனைவருக்கும் உண்டு பண்ணி
உயர்வாகக் கதை சொல்லும் வண்ணதாசன்
பேர் சொல்லி உங்களை நான் அழைக்கமாட்டேன்
பெருமையாக அய்யா என்றழைத்திடுவேன்
சீர் மிகுந்த உங்களது செந்தமிழைச்
செவிமடுத்த காரணத்தால் அய்யா என்றார்

இசைஞானி

விருதளித்தார் விருதுக்கே பெருமை சேர்த்தார்
வெற்றி இசைஞானிக்கு விருதளித்து
சுருதியுடன் ராகமதைச் சேர்த்துத் தந்து
சுத்தமாக்கி மனதையெல்லாம் வெள்ளையாக்கும்
எருதேறும் அண்ணாமலை ஈசனது
எளிய தொண்டர் இளையராஜா அருகில் என்றும்
அரிதான கலை மகளே குழந்தையாகி
அமர்ந்துள்ளாள் அவர் இசையில் மயங்கி இன்றும்

ஒழிந்து போகும்

உடல் சார்ந்த வெறி கொண்டே வாழுகின்றார்
உளம் சாரா மானிடரகள் உலகமெங்கும்
படம் எடுத்து விட்டாராம் சாமி என்பார்
பதை பதைத்துத் துடிக்கின்றார் கற்பு காப்பார்
தினம் தினமும் செய்தியாக வருவதெல்லாம்
தெரிந்தும் ஏன் ஆடுகின்றார் புரியவில்லை
உளம் கண்டு வாழ்வதற்குப் பழகி விட்டால்
உடல் சார்ந்த வெறி அதுவும் ஒழிந்து போகும்

கேட்பாரோதான்

பாரதியை நினைந்தாரா மறந்தே போனார்
பாவி மகன் காந்தியினை மறைத்தே வைத்தார்
ஊர் முழுதும் மதுக் கடைகள் காந்தியாரின்
ஊரிலேயும் மதுக் கடைகள்-- கறிக் கடைகள்
சீர் மிகுந்த வள்ளலார் பெயரிலேயே
சிறப்பாகத் திறப்பதற்கு விருப்பம் கொள்வார்
யார் இவரைக் கேட்பார்கள் மக்கள் தானே
இலவசத்தைத் தேடி நிற்பார் கேட்பாரோதான்

பாரதியை நினைப்போமா

இதிகாசக் கதைகளெல்லாம் பொய்தானென்றும்
இருந்தாலும் கவிதைகள் தான் சிறப்பு என்றும்
முடியாத நேரத்திலே முழங்கி நின்ற
முண்டாசுக் கவிஞ னவன் கனவையெல்லாம்
எது வரைக்கும் நிறைவேற்றி உள்ளார் நாட்டார்
ஏய்த்துள்ளார் ஏய்த்துள்ளார் ஏய்த்துள்ளாரே
கதி இதுதான் இந்நாட்டில் திருடர்களே
காவலிலே அமர்ந்ததனால் வந்த கேடு

ரமலான் வாழ்த்துக்கள்

ஏழைகட்கு உதவி செய்து இரங்கினாரை
இறையவனின் பெருமைகளை உணர்ந்தார் தம்மை
வேளை அய்ந்தும் தொழுது நின்ற வீரர் தம்மை
விண்ணகத்தில் இறையருளைப் பெறுவார் தம்மை
தாழ நின்று அனைவருக்கும் நன்மை செய்தாரை
தான் என்ற அகந்தை விட்டு நின்றார் தம்மை
வாழையடி வாழையாக இறைவன் தூதர்
வழி கண்டு வாழ்வாரைப் போற்றுகின்றேன்

இறை கண்டு அஞ்சவில்லை

அரசியலார் எல்லாரும் ஆசை கூட்டி
ஆங்காங்கே நிற்கின்றார் நோன்பிற்காக
வரிசையாக ஊர் தோறும் அவர்கள் செய்யும்
வம்புகளைப் பார்க்கையில் துடித்துப் போனோம்
பரிசாக வழி காட்ட இறைவன் தந்த
பார் ஏற்ற குரான் வழியை மறந்தே போனார்
விரிசல் கண்டு மனமெல்லாம் துடிக்கின்றது
வீணானார் இறை கண்டு அஞ்சவில்லை

இளையராஜா

இசை என்றால் இனிமை என்ற நிலையை மாற்றி
இரைச்சலென்று ஆக்கி விட்டார் கொடியோர் சில்லோர்
நிணம் தசை நார் அனைத்திற்கும் உள் நுழைந்து
நிம்மதியைத் தருவதுவே நல்ல இசை
குணம் தரவும் மனத்திற்குள் நல்லனவே
கொண்டு வந்து சேர்ப்பதுவும் இசையே ஆகும்
மணமான அவ்விசையை இளையராஜா
மன்னன் தான் தருகின்றான் வாழ்க அவன்

அல்லாஹ் அதை

அல்லாஉற் ஒருவனே இறைவன் என்று
அவனையே மனதாலே தொழுது நின்று
பொல்லாத செயல் இன்றி நல்ல வாழ்க்கை
பொறுமை நேர்மை நன்மை அன்பு கொண்டு வாழ்ந்தார்
வல்லானின் வழி தன்னில் நோன்பு நோற்று
வாழ்கிறார் திறக்கின்றார் நோன்பு என்றால்
எல்லோரும் திறக்கின்றோம் நோன்பு என்றால்
ஏற்பானா இறைவனாம் அல்லாஉற் அதை

ஒன்பதாம் பக்கம்

எட்டாம் பக்கம்

ஏழாம் பக்கம்

ஆறாம் பக்கம்

ஐந்தாம் பக்கம்

நான்காம் பக்கம்

மூன்றாம் பக்கம்

இரண்டாம் பக்கம்

காதல் செய்யாதவர்கள் கல்லெறியுங்கள் முதல் பக்கம்

எரிகின்ற மூடர்களே வாழப் பாரும்

போராட்டம் என்றாலே ஏழைகள் தான்
புரியாமல் எரிகின்றார் மாளுகின்றார்
சீராட்டி வளர்க்கின்ற தலைவர் மக்கள்
செந்தழலில் கொள்கைக்காய் எரிவதில்லை
தேரோட்டம் காரோட்டம் திருவிழாக்கள்
தேர்தலிலே வெற்றி கொள்ளல் அமைச்சராதல்
நீரோட்டம் போல அவர் வாழ்க்கை மட்டும்
நீள்கிறது ஆள்கிறது வாழ்கிறது


எரிந்த அந்த அறியானின் சடலத்தின் முன்
ஏங்கி அந்தத் தலைவர் விடும் கண்ணீர் கண்டு
நொறுங்கிடுவார் எரிந்தவனின் குடும்பத்தாரும்
நோகாமல் நடிக்கின்ற தலைவர் கண்டு
விரிந்த மனம் கொண்டவராய்த் தலைவர் அங்கு
விம்மலுடன் ல்ட்சம் ஒன்றை நீட்டிடு வார்
கருகியவன் குடும்பத்துக் கண்ணீரையும்
காசாக்கி வென்றிடுவார் நம் தலைவர்


எரிந்து பட்ட தங்கமே என் இதய வேந்தே
எப்படி நான் உனை மறப்பேன் செந்தமிழா
கருகுகின்ற நேரமும் நீ என்னை வாழ்த்தி
கனித் தமிழில் முழக்கங்கள் இட்டாயாமே
பனித் தமிழே என் தம்பி உன்னைப் போல
பாசமிக்க தம்பியரைப் பெற்றதால் தான்
தனித்த நந்தம் இயக்கத்தின் ஆட்சியதும்
தவறாமல் தொடருது இந்த நாட்டில் நன்கு


இனித்தவனே என் நெஞ்சில் தீயை வைத்தாய்
என்று நான் உனைக் காண்பேன் கொன்றே போட்டாய்
தனித்து நான் நிற்கின்றேன் உன்னைப் போன்ற
தம்பியரைப் பிரிகின்ற நேரமெல்லாம்
கனித் தமிழாள் உனைப் பெற்ற காரணத்தால்
கண்ணியத்தைப் பெருமையெனக் கொண்டாள் தம்பி
நினைவெல்லாம் நீயாக என்றும் வாழ்வேன்
நெஞ்சத்தில் ஒரு இடத்தை உனக்களித் தேன்


சுவரொட்டி ஆயிடுவான் அந்தத் தம்பி
சுற்று முற்றும் தேர்தல் வரும் நேர மெல்லாம்
தவறாமல் அவன் பெயரை மேடை தோறும்
தமிழ் காக்க உயிர் தந்தான் என்று சொல்லி
அவதார புருஷர் இவர் ஆட்சி கொள்வார்
அடுத்து வரும் தலை முறையின் ஆசை தீர்ப்பார்
இவர் பிள்ளை எரிந்தவனின் வயதையொத்தான்
இந்நாட்டு ஆட்சியிலே அவன் அமர்வான்


எரிகின்ற மூடர்களே உணர்ந்தீரா நீர்
ஏய்க்கின்றார் பிள்ளைகள் தான் எரிகின்றாரா
விரிகின்ற அறிவு கொள்வீர் வாழ்க்கைதன்னை
வீணருக்காய்க் கொள்ளையர்க்காய் எரிக்காதீர் நீர்
தெரிகின்ற நல் வாழ்க்கை தேர்ந்தெடுப்பீர்
திருடருக்காய் அழியாதீர் வாழப் பாரும்
உரிமையுள்ள தாய் தந்தை மனைவி மக்கள்
உற்றார்கள் நாட்டிற்காய் வாழப் பாரும்