நேரு நினைவு நாள்

உலகெங்கும் பாரதத்தை உயர்த்திட வாழ்ந்து வென்றான்
கலகங்கள் இல்லா நாடாய்க் காத்திட ஆசை கொண்டான்
அலகினில் கோதுமைக் கதிரின் அழகிய புறாவாய் ஆனான்
பலப் பல நாடு போற்ற பண்டிதன் அமைதி காத்தான்
உளமெலாம் நல்லதொன்றே உதித்திட உலகை வென்றான்
உயர் குணம் கொண்ட வேந்தன் உத்தமர் காந்தி சீடன்
அளவில்லாப் பெருமை கொண்ட அன்பராம் நேரு மாமா
அகிலத்துக் குழந்தைக் கெல்லாம் அன்பினைத் தந்த சீமான்