இராமகிருஷ்ணர் நல்மொழிகள்

உருகுகின்ற வெண்ணெயதும் உருகும் வரை
ஒசை செய்யும் உஸ் என்று சத்தமிடும்
உருகி அது நெய்யானால் அமைதி கொள்ளும்
உயர் ஞானம் அடைந்தாரும் அவ்வாறேதான்
சிறு வண்டும் மலரினிலே அமரும் வரை
சீராக ரீங்காரம் செய்தே ஆடும்
மருவில்லாத் தேனருந்தும் நேரந்தன்னில்
மெளனம் தான் அதுவேதான் ஞானம் ஆகும்


அதிகமான தேனருந்தி விட்டதென்றால்
ஆகிவிடும் ரீங்காரம் அதிகமாக
அது போல நெய்யதனில் பூரி செய்தால்
அது சத்தமிடும் பூரி போடும் தோறும்
விதம் விதமாய் வாழுகின்ற மனிதருக்கு
விரி ஞானம் கொண்டார்கள் கீழிறங்கி
பதப் படுத்த இது போல வருவதுண்டு
பக்குவமே கொண்டவர் தம் பொறுமையாலே