பிறந்த நாள் வேண்டுதல்

தந்தையாய்த் தாயாய் என்னைத் தழுவியே கொண்ட தேவே
எந்தையைத் தாயைத் தமிழாய் எனக்கென ஈந்த அய்யா
முந்தைய வினைகள் இன்றி முழுவதும் நன்மை தந்தாய்
வந்தனம் உனக்குச் சொல்லி வாழ்கின்றேன் இன்றும் நன்றாய்
எந்தனுக் குறவாய் நல்ல இனியர்கள் பலரைத் தந்தாய்
எழுதிட முயல வைத்தாய் இனிய நற்றமிழைத் தந்தாய்
மைந்தன் நான் வேண்டி நிற்றல் மன மொழி மெய்யினாலே
மணக்கின்ற தமிழைப் பேச மக்களுக் குணர்த்து வாயே