வெட்கமில்லை

திருப்பதியில் பெருங் கூட்டம் இன்று ஆனால்
தெலுங்கர்களின் ஆண்டு இன்று பிறக்கவில்லை
அறுபடையில் தமிழர்களின் கூட்டம் இன்று
அன்னை தமிழ்ப் புத்தாண்டு இன்று இல்லை
குருத்வாரா நிறைகிறது ஆனால் இன்று
கொஞ்சும் பஞ்சாபி ஆண்டு பிறக்கவில்லை
செறுத் தொழிலின் மாராட்டியர்கள் கோயில்களில்
சீரான அவர் ஆண்டும் பிறக்கவில்லை


செழிப்பான கேரளத்தார் கோயில்களில்
சிறப்பான அவர் ஆண்டும் பிறக்கவில்லை
கொழிக்கின்ற குஜராத்தார் கோயில்களில்
குஜராத்தி ஆண்டும் இன்று பிறக்கவில்லை
மொழிக் காதல் கொண்டிவர்க்குள் சண்டை என்றும்
மூத்த மொழி ஏது என்று இன்றும் எங்கும்
வழியுணர்ந்தார் இல்லை இவர் இன்றும் இங்கு
வணங்குகின்றார் ஆங்கிலத்தை வெட்கமில்லை