சிரித்திங்கு மகிழுகின்றார்

பொய்யான புகழுரைப் போலியாய் விருதுகள்
பொறுப்பற்றோர் வழங்குகின்றார்
பொறுப்பினில் இருப்பவர் பொறுப்பின்றி அதை ஏற்றுப்
புழு மனம் காட்டுகின்றார்
மெய்யான அறிஞர்கள் கவிஞர்கள் புலவோர்கள்
மேனிலை எய்துகின்றார்
மேன் மக்கள் என்பதே விருதுகள் ஏற்காத
மெய்ம்மை என்றுணர்த்துகின் றார்



அய்யகோ அய்யகோ அய்யகோ இவர்களை
அறிந்துமே வணங்குகின்றார்
அடிமைகள் போல் மிக மிகக் குனிந்தே இவர்
அகங்காரம் போற்றுகின்றார்
செய்யாத செயல்களில் சிறப்பானோர் இவர் என்று
சீரற்றுப் போற்றுகின்றார்
சீரற்ற இவர்களோ கேவலம் இன்றியே
சிரித்திங்கு மகிழுகின்றார்