மனிதராவீர்

கோயில் தோறும் கூடுகின்றீர் இறைவனையே
கும்பிட்டு வாழ்த்துகின்றீர் வேண்டுகின்றீர்
தாயவளைத் தெய்வம் என்று அவ்வை என்னும்
தமிழ்த் தாயார் கூறியதை மறந்தே போனீர்
ஆயாமல் அலைகின்றீர் ஆண்டவனை
அறியாமல் அலைகின்றீர் உறவை யெல்லாம்
காயாமல் அன்பு செய்தால் ஆண்டவனும்
கண்களுக்குள் கருத்துக்குள் இருப்பான் கண்டீர்


போயெங்கும் அலையாதீர் அன்பு ஒன்றே
பொதுவாகும் இறைவனுக்கு ஏதுவாகும்
சாயாதீர் மத வெறியில் மூடராகி
சதி செய்வார் தம்மிடத்தில் இரையாகாதீர்
போயெல்லா உயிரிடத்தும் அன்பு செய்வீர்
பொதுவான இறைவன் அவன் உடனிருப்பான்
தாயாகி அன்பு செய்யும் தந்தையாகித்
தன்னலமே துறந்து நின்றால் மனிதராவீர்