நிறுத்திக் கொள்ளும்

எம் தலைவன் எம் நாட்டின் இளந்தலைவன்
இந்தியத் தாய் இந்திராவின் இனிய மகன்
தம் நாட்டு மக்களின் மேல் பற்றுக் கொண்ட
தனிப் பெரிய நல்ல மகன் ராஜீவ் காந்தி
கொன்றொழிக்கப் பட்டதனை நாங்கள் எண்ணி
குமுறுவது தவறாம் சிலர் சொல்லுகின்றார்
தம் நாட்டுத் தலைவன் அவன் இறந்தால் மட்டும்
தாங்காமல் அவர் மட்டும் புலம்புவாராம்


எம் நாடு எம் தலைவன் எந்தம் துன்பம்
இவர் யார் அது குறித்து எமக்கு ஆணையிட
பண்பாடு இல்லாதார் இரக்கம் இல்லாப்
பாழ் மனத்தைக் கொண்டார்கள் அவர் இழந்தால்
துன்புற்று அழுவாராம் துடிப்பராம் காண்
தூய எங்கள் தலைவனையே நினைத்தால் மட்டும்
இன்னும் ஏன் அழுகின்றீர் என்று கேட்கும்
இழிவுணர்வை இத்தோடு நிறுத்திக் கொள்ளும்