பழம் பாடல் கம்பன்

  சீதையவள் பேசுகின்றாள் இராமனிடம்
  தீக்குளிக்கச் சொன்னானே அதற்குப் பின்னர்
  பேதையல்ல சீதையவள் என்பதனை
  பேச்சு வழி காட்டுகின்றான் கம்பன் தானும்
  மாதவளை நாவினிலே வைத்திருந்த
  மலர் வாழும் பிரமனோடு மாட்டின் மேலே
  கோதையவள் தன்னோடு இருக்கும் சிவன்
  குளிர் சங்குகைக் கொண்ட மாலவனும்


  யாரறிவார் பெண்களது மனதின் நிலை
  எல்லாம் அறிந்தாலும் அறிய மாட்டார்
  சீர் மகனே என் இணையே அவரின் நிலை
  செப்பி விட்டேன் நீ என்ன செய்வாய் அய்யா
  பார் முழுதும் பெண்களது நிலை இது தான்
  படைத்தவனும் காப்பவனும் அழிப்பான் தானும்
  தானறியார் என்றால் நீ என்ன செய்வாய்
  தளிர்க் கொடியார் நிலை இது தான் உணர்வாய் நீயும்



  கம்பன் செய்யுள்

  பங்கயத்து ஒருவனும் விடையின் பாகனும்
  சங்கு கைத் தாங்கிய தரும மூர்த்தியும்
  அங்கையின் நெல்லி போல் அனைத்தும் நோக்கினும்
  மங்கையர் மன நிலை உணர வல்லரோ