சூழ் கலி என்றால்

உலகுக்குவழி காட்டும் ஒரு நாட்டில் பிறந்தோம்
ஒருவருக்கு ஒருவர் பல பேதங்களை வளர்த்தோம்
பலருக்கு வழி காட்டும் பண்புகளை எல்லாம்
பாவிகளாய்ப் பதவிகட்காய் பறித்து விட்டார் தலைவர்
சிலருக்கு வாழ்வு அது சீரழிந்த வாழ்வு
சில்லறைக்காய்த் தன்மானம் விற்று விட்ட வாழ்வு
அழகுக்காய் கற்பை விற்ற அரசியலார் வாழ்வு
அவ் வாழ்வால் நம் வாழ்வை இழந்து விட்டோம் பாரீர்


நாணமென்ற பண்பிற்கே நாணம் வர வைத்தார்
நமையாள நாம் தேர்ந்த நம்முடைய தலைவர்
பேணுகின்றார் தம் குடும்பம் பிள்ளைகளையெல்லாம்
பேதலித்து நிற்கின்ற ஏழையரின் கூட்டம்
வாழ்வதற்கு வழி எதுவும் வகுத்தெடுக்கவில்லை
வயிற்றுக்குச் சோறிட்டு வாக்குகளைப் பெறுவார்
சூழ் கலி என்றால் இதுதான் என்று நாமும் நம்மை
சுத்தமாகச் சமாதானம் செய்து கொண்டு வாழ்வோம்