நித்தியமும் ஆனந்தம்

இல் வாழ்க்கை ஒன்றேதான் சிறந்த தென்று
எம் தந்தை வள்ளுவரும் உறுதி சொன்னார்
நல் வாழ்க்கை அதுவேதான் இயல்பு என்றார்
நலம் பயக்கும் அது ஒன்றே உலகுக்கு என்றார்
பொய் வாழ்க்கை வாழ்ந் ததனால் புகழைச் சேர்த்தார்
பொசுக்கென்று பெண்ணோடு மாட்டிக் கொண்டார்
உய்வளிக்க வந்த சாமி நித்யானந்தம்
உல்லாசம் காணுகின்றார் நடிகையோடு


கதவைத் திறக்கச் சொன்னார் நம்மிடத்தில்
காமத்தில் அவர் கதவும் திறந்து கொள்ள
விதம் விதமாய்க் காட்சிகளும் நமது கண்ணில்
விரிகிறது நித்தியமும் ஆனந்தம் தான்
பதை பதைக்க வேண்டாம் இவர் மாட்டிக் கொண்டார்
பல பேர்கள் மாட்டாமல் வாழுகின்றார்
சதை வாழ்க்கை இதிலிருந்து மீள்வதெல் லாம்
சாத்தியமா ஒருக் காலும் இல்லை அய்யா