பழம் பாடல் அவ்வை

 இழிதொழில்கள் எத்தனையோ செய்திட்டாலும்
  இன்னல்களைச் செய்வதிலே மகிழ்வுற்றாலும்
  பழி எதற்கும் அஞ்சாத துன்பங்களை
  பண்புடையோர் தனை நோக்கி அனுப்பிட்டாலும்
  வழிவழியாய் உதவுகின்ற பண்பதனை
  வதை செய்து நிற்பார்க்கும் செய்தருளல்
  பழிக்கஞ்சும் பண்பாளர் பெருமையாகும்
  பார் விட்டு மறையும் வரை உதவி நிற்பார்


  கனி தந்து நிழல்தந்து காலம் தோறும்
  காப்பாற்றி நிற்கின்ற மரம் அதுவும்
  பனியதுவோ மழையதுவோ வெயிலதுவோ
  பல காலம் அவையெல்லாம் தாங்கி நன்கு
  கனிவோடு உதவ அவை தன்னை வெட்டி
  கருணையின்றி நடந்தார்க்கும் நிழலே தரும்
  தனை முழுதும் வீழ்த்தும் வரை நிழலே தரும்
  தண்ணிழலின் மரம் போன்றோர் பெரியார் இங்கு

  செய்யுள்

  சாந்தனையும் தீயனவே செய்திடினும் தாம் அவரை
  ஆந்தனையும் காப்பர் அறிவுடையோர் - மாந்தர்
  குறைக்கும் தனையும் குளிர் நிழலைத் தந்து
  மறைக்குமாம் கண்டீர் மரம்