பொழிவின் பொன் விழா

  பதின் மூன்று அகவையிலே மேடையேற
  பைந்தமிழாள் அருள் செய்தாள் தொடர்ந்துதவ
  கதி அவளே என்றவளின் கால்கள் பற்றிக்
  கண்ணன் நான் தொழுது நின்றேன் இன்று வரை
  மதியாகி அவளே தான் வெற்றியெல்லாம்
  மணமாகத் தந்து நின்றாள் அய்ம்பதாண்டு
  சரியாக நிறைகிறது இந்த ஆண்டு அதைச்
  சந்ததிகள் கொண்டாட விழைந்து நின்றார்

  தமிழ் மாந்தும் நெல்லை நகர் இளையவர்கள்
  தனியாக விழவிற்கு முயலுகின்றார்
  அமிழ்தாகத் தலைப்பளித்தார் பொழிவு காணும்
  அறிவான பொன் விழா என்றுரைத்து நின்றார்
  தமிழுக்காய் எடுக்கின்ற அவ்விழாவில்
  தாங்கள் ஏதும் பங்கேற்க முடியுமென்றால்
  விரைவாக உதவிடுக விழா அதனை
  வெற்றி பெறச் செய்திடுக வேண்டுகின்றேன்