குறட் கருத்து

 நல்லவரின் வீட்டுக்குள் துன்பம் வந்தால்
  நடக்கின்ற கதையதனை கொஞ்சம் கேட்போம்
  வல்லதுவாய்த் துன்பமது கருதிச் சென்றால்
  வதை படுமாம் துன்பம் அவர் வீட்டிற்குள்ளே
  நல்லதுவாய் வருவதெல்லாம் கருதுகின்ற
  நாயகரைத் துன்பம் அது என்ன செய்யும்
  அல்லல் பட்டு அது அழுமாம் அய்யோ என்று
  அழகாகச் சொல்லுகின்றார் வள்ளுவனார்

  குறள்
 இடும்பைக்கே இடும்பை படுப்பர் இடும்பைக்கே
 இடும்பை படாதவர்