திருக்குறள் காமத்துப்பால்

                விரைவோடு  வேகமதும்  கொண்டவனாம்
                     வேல் விழியாள்  காதலனும் பெருமை சொன்னாள்
                திரை  போட்ட  உள் அறையில்  இருவருமே
                      தேடி  நின்றார்  கண்ட பின்னும்  கண்ட பின்னும்
                வரையற்ற  காதலுக்குள்  இருவருமே
                       வரம்பெற்ற வடிவத்தால்  திளைத்திருந்தார்
                கரையேற  வழியின்றிக் காதலனும்
                       கன்னியவள்  தோள்களிலே சாய்ந்திருந்தான்


                நிறைவேறாக்  காதலினைக்  கொண்டு விட்ட
                       நிம்மதியில்  பெண்ணவளும் கண் திறந்தாள்
                விரைவென்றால்  அவ்விரைவு  காதலனும்
                       வேல் விழியாள்  நெஞ்சதனைச் சென்றடைந்தானாம்
                 புரிகிறதா தமிழினத்தீர்  கனவின் போது
                       பொறுப்பாகத் தோளினிலே  சாய்ந்திருந்தான்
                 விரி கனவு  முடிந்தவுடன்  மிக  விரைந்து
                        வெள்ளை  மனப்  பந்தலுக்குள்  ஒளிந்திட்டானாம்


                                              திருக்குறள

                   துஞ்சுங்கால்  தோள்மேலராகி  விழிக்குங்கால்
                   நெஞ்சத்தராவர்  விரைந்து