Monday, June 23, 2008

ஒழித்து விடும்

ஆசைகள் அதிகமாய் ஆகிட ஆகிட
அலைகிறார் அங்கும் இங்கும்
அதனாலே சாமியார் கூட்டமும் கூடியே
அசிங்கமாய் ஆடுது இங்கே
பூசைகள் வேசங்கள் பொம்பளைக் கூட்டங்கள்
புரியாமல் போகுதிங்கே
புரிந்த பின் சாமியார்க் கூட்டங்கள் படும் அடி
புதிதில்லை நிறைய இங்கே


அன்னையும் தந்தையும் சேர்ந்திட வந்திட்டோம்
அனைவரும் அதுவே உண்மை
ஆர்ப்பாட்டம் போர்ப்பாட்டு எதுவுமேயில்லாமல்
அமைதியாய் வாழ்வோமிங்கே
தன்னை உணர்ந்தவர் பெண்ணை உணர்ந்தவர்
தரமாக வாழ்ந்து நிற்பார்
தாவிக் குதித்திட ஆசைகள் கொண்டவர்
தடுமாறி வீழ்ந்திருப்பார்


உழைப்பதில் வாழ்ந்திடப் பழகியே நின்றவர்
ஊர் மெச்ச வாழ்ந்திருப்பார்
ஊதாரி வாழ்க்கையைத் தேர்ந்தே எடுப்பவர்
உளம் நொந்து சாய்ந்திருப்பார்
அழைத்திடத் துணைக்கென வந்திட நமக்கொரு
ஆண்டவர் உண்டு இங்கே
ஆகாத சாமியார் கூட்டங்கள் போற்றிப் பின்
அழுவதை நிறுத்தும் இங்கே

0 மறுமொழிகள்: