அசிங்கம் தீரும்

                 கோயில்  கோயிலாய்ச் சென்றேன் கடவுளையே
                             கும்பிட்டு  மகிழுதற்காய் ஊர்கள்  தோறும்
                  வாயில்  தாண்டிச் சென்றாலோ  கோயிலுக்குள்
                              வரிசையாக ஒவ்வொன்றாய்க் கடைகள்  நூறு
                   பாய்  விற்கும்  கடை   ஒன்று  தொடர்ந்து  அங்கே
                               பாத்திரங்கள்  விற்கின்ற  கடைகள்    நான்கு
                   சேய்  முதலாய்  மங்கையரின்  கரங்களிலே
                               சேர்ந்தாடும்  வளையலுக்காய்  கடைகள்  அய்ந்து


                    தாய் மார்க்கு  சவுரி  முடிக்  கடையோ  ரெண்டு
                                தங்க முலாம்  நகைக் கடையோ மூன்றே  மூன்று
                    வாய்ப் பாட்டுக் குறுந்தகடுக்  கடையோ   ஒன்று
                                வகை வகையாய் பொம்மைகளின்  கடையும்  ஒன்று
                     போய்    அங்கோர்  சவுக்கெடுத்து   அவர்  விரட்ட
                                 பொங்கி  வந்த  ஏசு  பிரான்  இல்லை  அய்யா
                      தாய்மாரே  தந்தையரே  உங்களது
                                  தாள்  பணிந்து  நிற்கின்றேன் அசிங்கம்  தீரும