ஏளனம் செய்ய விட்டார்

பாரதி பிறந்தான் இந்தப் பைந்தமிழ் நாட்டில் வந்து
வேரெது விழுதெது என்ற விபரங்கள் சொல்லுதற்காய்
ஆரதைக் கேட்டார் இங்கு அவரவர் ஆட்டம் போட்டார்
சீரெதும் நினைத்தாரில்லை சிந்தனை இழந்தே நின்றார்
நீரிதன் புதல்வர் என்ற நினைவினை அகற்றி விட்டு
ஊரெல்லாம் கொள்ளையிட்டார் உறவிற்கே பந்தலிட்டார்
யாரிவர் என்று இந்த மக்களைக் கலங்க விட்டார்
யாவரும் நம்மைப் பார்த்து ஏளனம் செய்ய விட்டார்