சிவ மணி

உலகமே தாளத்தின் இயக்கம் என்று
உணர்த்துவது சிவ நடனம் வணங்கி நின்றோம்
உலக மெங்கும் தாளத்திற்கு ஒருவன் என்று
உணர்த்தி வென்றான் எங்களது சிவமணி தான்
பல கைகள் கொண்டவனோ என்று எங்கும்
பார்ப்பவர்கள் வியந்திருக்க அனைவரையும்
கலகலப்பாய் ஆட வைப்பான் எங்களது
கண்மணியாம் சிவமணி எம் தமிழ்த் தாய் செல்லம்

கரிய செல்வம் மைக்கேல் ஜாக்சன்

இறந்து விட்டான் என்கின்றார் அவனை நாம்தான்
இழந்து விட்டோம் என்பதனை மறந்தவராய்
பரந்து பட்ட உலகமெங்கும் பாப் இசையால்
பட படக்க வைத்தவனை ஜாக்சன் தன்னை
மறைந்து விட்டான் என்கின்றார் அய்யோ அய்யோ
மனங்களுக்குள் நிறைந்தவனா மறைவான் இல்லை
நிறைந்திருப்பான் உலகமெங்கும் கோடி கோடி
நெஞ்சத்தில் மைக்கேலாம் கரிய செல்வம்