Monday, February 16, 2009

இந்த இராமர் வேறு

வேடன் தன்னை உறவாய்க் கொண்ட
வில்லின் வேந்தன் இராமர்
விருப்பம் கொண்டு குரங்கைக் கூட
விளைந்த உறவாய்க் கொண் டார்
தேடி வந்த அரக்கன் தானோ
தெய்வத் தம்பி ஆனான்
தேர்தல் தோறும் பிறக்கும் இராமர்
தீமை செய்ய வாரார்


வந்து விடுவார் வந்து விடுவார்
வந்து விடுவார் இராமர்
வலிகள் சேர்க்கும் இரத்தம் கேட்கும்
வன்முறைக்காய் வருவார்
அனைவரையும் உறவு கொண்ட
அந்த இராமர் இல்லை
அன்பு கொன்ற மனிதர் கொண்ட
இந்த இராமர் வேறு

1 மறுமொழிகள்:

said...

சரியான நேரத்தில்...
சரியான வார்த்தைகள் அய்யா..!
அருமை!