சிலைகள்

     சிலைகளினால்  விளைகின்ற  கவலை தன்னைச்
          சிந்திக்க ம்றந்தாரே நாட்டில்    உள்ளோர்
     அலை அலையாய் ஏழைகளே புரியாராகி
          அழுகின்றார்  தொழுகின்றார் அழிகின்றாரே
      வலை யிதனை  கைக்கொண்டு பணம் படைத்தோர்
           வாக்கு்கள்  சேகரிக்க வழிகள்  கண்டார்
      நிலை யிதனைப்  புரிந்திட்ட  நல்லோர்  இந்த
            நிஜம்  சொல்லி  ஏழைகளைக் காக்க வேண்டும்


     வெவ்வேறு  சாதியிலே  பிறந்த  செல்வர்
            விருந்துக்கு  ஒன்றாகச் சேர்வதுண்டு
     அவ்வவர்  தம்  சாதியிலே ஏழைகளை
             அழைப்ப்துண்டோ விருந்துக்கு  இல்லை  அய்யா
     உள்ளவர்கள்  ஒரு  சாதி  ஒன்றுமில்லார்
              உலகெங்கும் ஒரு சாதி உணர்ந்து விட்டால்
     தள்ளி  நின்று  இவர்களையே தனிமையாக்கி
              தாம்  வெல்ல  உழைப்பவர்க்கு வெற்றி உண்டு