உண்மை வீரர்

              விடுதலைக்காய்ப்  போரிட்ட  வீரர்  தம்மின்
                     விடுதலைக்காய்  நீதி மன்றம் தன்னில்  நின்றார்
              பழுதில்லா மனத்திற்குச்  சொந்தக் காரர்
                      பார்த்தாலே  உறுதியினைக் காட்டும் தோற்றம்
              வருகிறது  ஒரு  தந்தி  அவருக்கென்று
                      வந்ததனை  வாசித்தார்  பையில்  வைத்தார்
              விறு விறுப்பாய்  வாதங்கள்  தன்னை வைத்தார்
                       வீரர்களின்  விடுதலைக்காய்  அடுக்கடுக்காய்


              வெள்ளையர்  தான்  நீதிபதி இருந்த  போதும
                        விரிவான  விளக்கங்கள்  கேட்டு  நின்றார்
              அள்ளி வைத்த  வாதங்கள்  அனைத்தும்  கேட்டு
                         அடுத்து  ஒரு  நாள்  குறித்தார்  வழக்கிற்காக
               மெள்ள  அந்த  தந்தி என்ன  அய்யா  என்றார்
                          மென் நகையாள்  என் மனைவி மறைந்தசெய்தி
                சொல்லி விட்டு பின்னர்தான்  கிளமபிச் சென்றார்
                           ஜோதியவர்  வல்லபாய்  படேலே  அய்யா