அழிந்து போவீர்

  எத்தனையோ சொன்னாலும் கேட்கின்றாரா
  எப்பொழுதும் தவறுகளே செய்யும் மாந்தர்
  வித்தகமாய்க் கருதுகின்றார் தன்னுடைய
  விஷச் செயல்கள் அத்தனையும் வெட்கமின்றி
  பத்திரமாய் வாழுவதாய் எண்ணுகின்றார்
  பணம் சொத்து சேர்த்து விட்ட காரணத்தால்
  செத்தொழியும் வரை துன்பம் வந்து சேரும்
  செத்த பின்னர் அவர் குடும்பம் சீரழியும்

  எத்தனை பேர் அழுகையிலே வந்த செல்வம்
  எப்படி நீர் நிம்மதியினைக் கொண்டு வாழ்வீர்
  முத்தமிழின் மூத்தவராம் வள்ளுவரும்
  முறையற்றார் வீழும் வழி சொல்லிச் சென்றார்
  கற்றது போல் நடிக்கின்றீர் கவிதை சொல்வீர்
  கவலைகளுக் காளானோர் கண்ணீர் உந்தன்
  பொற்குவையைச் செல்வத்தை குடும்பம் தன்னை
  பொல பொலவென் றுதிர்த்து விடும் அழிந்து போவீர்