வேறொன்றில்லை

              பணம்  தேடி  ஒடுகின்றார்   ஒடி ஒடிப்
                    பல கோடி  சேரக்கின்றார்  சேர்த்த பின்னர
              தினம்  தேடி  ஓடுகின்றார்  மருத்துவரை
                    தின்பதென்றால்  மாத்திரைகள்  என்று வாழ
              முனம் தேடி  உடல்  காக்க  நேரம்  கொஞ்சம்
                     முறையாக்கி உடற் பயிற்சி கொண்டிருந்தால்
               தினம்  விரும்பும்  நல்லுணவை  உண்டு  வாழும்
                      தேகமதைக் கொண்டிருப்பார் மறந்தே போனார்


               பணம் மட்டும்  வாழ்க்கையில்லை வாழ்வதற்கு
                      பலமான  உடல்  வேண்டும் அன்பும் வேண்டும்
               குணம்  வேண்டும்  இல்லையெனில் உலகம்  உம்மை
                      கும்பிட்டுப் போற்றாது  உணர  வேண்டும்
               இனம்  சாதி  மொழி  என்ற  எண்ணம்  இன்றி
                       எல்லோரும்  போற்றுகின்ற்  வாழ்க்கை வேண்டும்
               உளம் கொள்வீர்   நண்பர்களே  கொண்டு விட்டால்
                        உமையன்றி தெய்வம்  இங்கு  வேறொன்றிலை