திருந்துதற்கு ஏதுவாகும்

பல்கலையில் படித்தோரே படித்ததனால்
பாங்காகப் பதவிகளில் அமர்ந்துள்ளோரே
கல்வி வழி நீங்கள் கற்ற நேர்மையினைக்
கடைப் பிடிக்கத் தொடங்குங்கள் தொடங்கினால் தான்
நல்லவழி நாட்டிற்குத் தெரியலாகும்
நலிந்தோர்கள் வாழ்வதற்கு உதவியாகும்
பொல்லாத அரசியலார் தனை எதிர்த்துப்
போர் தொடுங்கள் படித்தவர்கள் அனைவருமே


எல்லோரும் ஒன்றாகித் தீமைகளை
எதிர்ப்பீர்கள் என்று சொன்னால் பிறகு என்ன
நல்லதெல்லாம் நடக்கும் இங்கே நீங்களே நல்
நாயகர்கள் ஆவீர் இந் நாடு வாழும்
பொல்லாத தீங்கெல்லாம் ஒழிந்து போகும்
பூமியிலே நம் நாடே உயர்ந்ததாகும்
வல்லார்கள் அரசியலை வன்முறையாய்
வகுத்தார்கள் திருந்துதற்கும் ஏதுவாகும்